مراحل نمو الانسان العراقي

تعالو شوفو حياة الانسان العراقي
الراقي

مراحل حياة العراقي حسب العمر
اول ما ينولد
*****
يضحك و يكمز و يلعب صدقة ل الله شكد محبوب
العمر 3 سنوات
كائن يخبل أي يجنن باللغة العامية ... محبوب من الجيران و من الكرايب...ابيضاني عيونة زرقاء اللون شعره اشقر
ذكي جدا يعرف 199 لغة علما بان عدد لغات العالم هو 120 لغة
العمر 3-5
و هاي المرحلة جدا مهمة في حياة الطفل العراقي...فيبدأ خلال هذه المرحلة بتعلم كيفية تخدير الشاي و شربه و يتعلم ايضا اكل الطرشي مع كل وجبة
و يبدأ معها مرحلة المشاغبة و شراء الكلاشنكوفات و المسدسات و هذا كلة بسبب افلام فاندام...لعنة الله على فاندام
العمر 5 سنوات
تبدأ مرحلة التحول في شخصية الطفل العراقي... من كائن ملائكي الى قاتل البزازين و البريصية و العصافير و يصاحب هذا التحول تغير فظيع في الشكل و يلاحظ على وجه الطفل اثار شخوط كثيرة و كانه وجهه كان في سيدي درايف خربان
و يعزى هذا التحول الفضيع الى اختلاط هذا الولد بولد الجيران بعد ان كان مختفيا عن الانظار لمدة أربع سنوات... راح الولد
يصاحب هذه التغيرات ظهور حب الشباب على وجه الطفل
و يبدأ ايضا بمتابعة الاخبار السياسية كل رأس بصل عفوا كل رأس ساعة
العمر 6-12
مرحلة الابتدائية
و يا لها من مرحلة شيقة
(عبرنا مرحلة الروضة لان اني مدخلت الروضة)
في هذه المرحلة يبدأ الطفل بحب الحياة و يجلس جنبا الى جنب مع بنات المدرسة و يلعبون دجاجة ميتة و ركيضان احيانا
وتبدأ في هذه المرحلة بوادر التأليف و الجذب لدى الطفل "ست حنان باستني 3 مرات اليوم " "اليوم بسطت 3 ولد 4 منهم انكسرت ايدهم و 5 انهزموا" "اليوم كمت 13 مرة علسبورة و الصف كلة صفكلي"
اما من الناحية الدراسية فتعتبر هذه المرحلة هي الاكثر اشراقا في حياته فدرجاته لا تقل عن 12 من 10 و اذا اخذ 10 من 10 فسوف يبدأ البكاء لان البنات ميحبون بس الشطار
العمر 12 الى 18
يدخل الولد المتوسطة و تبدأ معها مرحلة العنف
أين الست حنان؟؟؟ اين الست جنان؟؟؟ اين الست نظيمة؟؟؟
أين صديقتي نجوى؟؟؟ اين بت جيرانة سلوى؟؟؟ اين مروة؟؟؟
ينصدم الولد بعدم وجود اي عنصر نسائي حنون في مدرسته و يتفاجأ بوجود استاذ حسين الملقب ب( حسين ابو عظلة)
الذي اكتسب هذا الاسم من مدرسته القديمة
و استاذ ظافر
(الملقب بـ كافر لقسوته مع الطلاب)
يبدأ مستوى الطالب بالتراجع في الصف الاول و يطلع كمال لاول مرة في حياته في صف الثاني متوسط
و تبدي مرحلة اكل الفلافل من القهر و الضوجة
و هكذا يستمر...بين ألأ كمال و بين رسوب الى ان يصل الى السادس يشد حيله و يحصل على معدل قوي يدخل على اثره المستشفى...العفو قصدي الجامعة ، و يشاهد خلال هذا العمر ظهور بوادر للكرعة
و ابرز ما يميز هذه لفترة هوة كثرة ملاحقة الولد للبنات و لا يخلو حديث اولاد هذا العمر من
( الحاتات) و يصاحب هذا الحديث الكثير
من الجذب والتأليف

العمر 18-22

يدخل
الجامعة متحمسا لما سمعه عن وجود الجنس اللطيف فيها
و تبدأ مرحلة المصارحة ليخرج من الجامعة و رأسه معنجر من كثرة البواري

22-25

يدور
على شغل

عمره 25
يتزوج و تبدأ المشاكل بعد اسبوع من الزواج و تستمر هذه المشاكل و العركات عادة مدى الحياة
عمره 40
مفجورة بصفة 6 سيارات مفخخة و 25 عبوة ناسفة و منطقتهم متعرضة للهجوم 18 مرة و مشارك ب 6 حروب و جيرانة كلهم مسافرين

عمره 50

بي قلب وسكر و ارتفاع بضغط الدم و ضعف بالنظر و تورم بالقدم و التواء بالركبة و ضعف بالمفاصل و و و
عمره 60
مكابل الاخبار و الجرايد و كاعد ميهلة يكوم من يم التلفزيون و لا دقيقة
اقوى شي عندة يطلع يوكف بالباب و يطكلة جكارة و يرزل

الجهال اللي يلعبون يم بيتهم و يرجع ينام

الله يرحمنا والله

الادارة
~~RoRo Margaya~~

زائر

هههههههههههههههههههههههههه
والله صدك حالنه هيجي
ارجع وكلج انتي مدرسه واني طالب عندج عاشت ايدج ياوردة المنتدى

عدد المساهمات : 501 تاريخ التسجيل : 09/09/2009

هههههههههههههه كلش حلو روعة

تحياتي لك

دالينا يوسف

الادارة

عدد المساهمات : 378 تاريخ التسجيل : 10/09/2009

ههههههههههههههههههههههه عاشت ايدك اخ رامي عجبتني هوايه براووووووفو عليك عزيزي

تحياتي الك

بلسومة لازر
الادارة

عدد المساهمات : 48 تاريخ التسجيل : 21/11/2009

حلوة عاشت ايدك ههههههههههههه

» اخر اخبار العراقي
» احضني حيل حاتم العراقي الي من ساكن قلبي....
» اكثر الشعوب رومانسيه في العالم هو الشعب العراقي ههههههههه
» سفر التكوين 2 / 1 - 25 الرواية الثانية لخلق الانسان
» قداسة البطريرك مار أدى الثاني يهنأ الرئاسات والشعب العراقي بمناسبة عيد الأضحى المبارك